RS: Ang Pamilya ng Karpintero

(Author's Note: Para may variety, naisipan kong magsulat ng mga kwentong hindi bahagi ng 'Mang Dado Series'. They will be labeled RS as in 'random stories'. Haha! Sana magustuhan nyo din.)

Alas-otso ng umaga ay abalang-abala si Mang Ricky sa pagkukumpuni ng bakod ng kanyang bahay. Madali naman para sa kanya ang ganitong gawain dahil isa syang karpintero, ngunit namamawis na agad sya kaya’t naisipan nyang hubarin ang t-shirt at ngayo’y pinutol na maong na lamang ang kanyang suot habang nagtatrabaho. 

 

“Taragis ang init!” reklamo ni Mang Ricky habang pinupunasan ang katawan sabay inom ng tubig. Mag-isa lamang sya ngayon dahil umuwi sa probinsya ang kanyang misis at magtatagal doon ng ilang linggo. Gusto sana nyang sumama ngunit ang asawa na nya mismo ang tumutol dahil alam nitong kailangan pa niyang maghanap ng regular na pagkakakitaan. 

 

Napabuntong-hininga na lang si Mang Ricky habang nag-iisip at pinagmamasdan ang ginagawang bakod. “Kailangan ko nang tapusin ito para maayos ko na ang mga dapat ko pang gawin,” bulong nito sa sarili. 

RS: Ang Binatang Gipit 2

 (Author's Note: Para may variety, naisipan kong magsulat ng mga kwentong hindi bahagi ng 'Mang Dado Series'. They will be labeled RS as in 'random stories'. Haha! Sana magustuhan nyo din.)

"Kanina ka pa nandyan sa labas, wala pa din ba yung hinihintay mo?" tanong ng asawa ni Mang Ricky na si Aling Rose. "Pumasok ka muna kaya't malamok dyan!"

"Hindi na...siguradong paparating na din yun dahil ganitong oras ang daan nun sa lugar natin. Mauna ka na sa kwarto para makapagpahinga ka na din," atubiling sagot ng lalaki. 

"Mabuti pa nga...ikaw na bahala dito't wag mong kalimutang isara yung mga dapat isara ha. Wag ka na ding magpupuyat dahil maaga tayong aalis bukas ng umaga," huling sabi ng kanyang misis saka ito pumasok para matulog. 

Nang maiwang mag-isa ay napabuntong-hininga si Mang Ricky sabay bunot nito sa huling piraso ng yosi mula sa kanyang bulsa. Malalim ang kanyang iniisip habang humihithit at mababakas sa itsura nito ang mabigat na dinadala. Isang karpintero ang 47-anyos na lalaki at noong araw ding iyon ang huling araw ng pagtatrabaho niya sa isang isang bahay na kanilang ni-renovate ng ilang linggo. Galante ang may-ari ng bahay kaya't nanghihinayang si Mang Ricky na bagaman binigyan silang lahat ng bonus, ay wala na naman syang regular na pagkakakitaan. Paniguradong ilang araw o linggo lang ay mauubos na naman ang kanyang ipon.